حنا من الويلان اب علـى جـد=حنا هل الحرشى ليا ثـار ثايـر
بالباديه ننـزل بهـا ثـم نشـد=على ظهور محنيـات الضمايـر
نرحل لديار بهـا البـرق يرعـد=وارض بها الخيرات والفقع صاير
بارض العرب نسرح وماحدنا حد=وراعي الحلا ل يتابع الخير ساير
كل روض يرتعبه ومرات يبعـد=قرم شجاع ومايهـاب الخطايـر
في وسط ربعك مابهم واحد ضـد=ربـع نشامـى ماتنقيـت بايـر
اللي حضر من ربعنا عنهم يسـد=بالهوش ولا يكرم الجـاه زايـر
ماهو من اللـي لالفيتـه تشـرد=بخيل بحـلان وبالعمـر حايـر
ياللي على افعال القرايب تنشـد=تاريخهم مافيه نقـص ومعايـر
تاريخهم بالعز والنـاس تشهـد=وعدوهـم دايـم تجـرع مرايـر
افعالهـم مـن كثرهـا ماتعـدد=لصارت القـالات والـدم فايـر
بنوا لمجـد بالتواريـخ مايهـد=ولحصونهم للان باقـي عمايـر
صادق ويوفي بالوعد حين يوعد=وليـا عطـى بعطيتـه مايعايـر
عطية غبينـي ليـا منـه يمـد=ماردها لو هـي تـدور الدوايـر
من يزبن الاجواد يامـن ويرقـد=تسهلت من عقب ماهي وعايـر
ماحس بالغربه ولقى عندهـم ود=يعيش معهم دون شك وسرايـر
ومن يفخر بتاريخ ربعه ماينقـد=لاصار فعل ابطالهـم بالضبايـر
.:: إعلانات الموقع ::. 
الإهداءات
حنا من الويلان
العرض العادي
